Programa

InnovatechFP

Innovación tecnolóxica e emprendemento industrial: o alumnado de FP resolve retos reais propostos por empresas.

Información xeral

Como funciona o programa

Bombilla de neón diante dos paneis de InnovatechFP

Obxectivo

Impulsar a innovación tecnolóxica e o emprendemento industrial, fomentando a creación de empresas de base tecnolóxica entre o alumnado de Formación Profesional, resolvendo 20 retos propostos por empresas con impacto positivo no desenvolvemento do medio rural.

Quen pode participar

Alumnado de Formación Profesional e persoas tituladas nestas ensinanzas nos dous últimos cursos, de todos os centros públicos dependentes da Consellería de Educación. Equipos multidisciplinares e mixtos en canto ao xénero.

Convocatoria 2025-2026

Prazo de presentación de solicitudes: do 7 ao 20 de novembro.

  • Fase 1: Design Thinking (obradoiros) e presentación de solucións (ata o 30 de xaneiro)
  • Fase 2: formacións e presentación de solucións finais (ata o 22 de maio)

Edición 2026

20 retos propostos por empresas

Reto 1

Presas con Futuro: Enerxía e Natureza en Equilibrio

Reto 2

Innovación dixital para a xestión integral de salóns de perruquería

Reto 3

Economía circular a través da peletización de residuos de desbaste

Reto 4

Valorización e novos usos das virutas de madeira de piñeiro

Reto 5

Aplicación para a medición da rendibilidade do mobiliario en puntos de venda

Reto 6

A musicoterapia como ferramenta de benestar integral

Reto 7

Plataforma intelixente para o impulso do turismo deportivo

Reto 8

Trazabilidade intelixente de equipos e repostos no taller de instrumentación

Reto 9

Sistema de trazabilidade loxística e de procesos en fábrica de mobiliario de alta gama

Reto 10

Sistema de reciclaxe, depuración e aproveitamento da auga en procesos de pelado e cocción de castañas

Reto 11

Sistema automático para a montaxe e axuste de tubos en jackets offshore

Reto 12

Solucións circulares para a valorización de residuos complexos

Reto 13

Identificación de canles colmatadas en membranas de ultrafiltración mineral e sistemas de limpeza non invasivos

Reto 14

Plataforma de vixilancia intelixente do tráfico marítimo en augas galegas

Reto 15

Sistema de medida efectiva de caudais de baixo custo en colectores de saneamento eQsan+

Reto 16

Aplicación interactiva para descubrir o potencial gastronómico das algas

Reto 17

Visión artificial para a detección de defectos en láminas de aceiro de gran espesor

Reto 18

Deseño de garras para a manipulación de pezas de forxa de aluminio sen marcas superficiais

Reto 19

Mellora de unións multimaterial a base selante

Reto 20

Carro de ferramentas autónomo

Convocatoria

Convocatoria e documentación

O prazo de presentación de solicitudes é do 7 ao 20 de novembro, ambos os dous incluídos. Pode participar o alumnado de Formación Profesional e persoas tituladas nestas ensinanzas nos dous últimos cursos, de calquera centro público dependente da Consellería de Educación, Ciencia, Universidades e Formación Profesional. Aquí podes consultar o texto completo da convocatoria e descargar os anexos necesarios para formalizar a inscrición e xestionar os cambios no equipo.

Antes da fase 1

Xornada de lanzamento

Antes do inicio da fase 1, o programa celebra unha xornada de lanzamento dos retos, onde se presentan os 20 retos propostos polas empresas participantes. Aquí publicaranse a data, o lugar e o acceso ao programa da xornada en canto estean confirmados.

    Primeira fase

    Fase 1: Design Thinking e presentación de solucións

    Na primeira fase, cada equipo participa nun obradoiro de Design Thinking impartido no seu propio centro educativo, no que se traballan as ferramentas e a metodoloxía necesarias para afrontar o reto tecnolóxico escollido. Trala formación, os equipos deberán rexistrar a súa proposta de solución a través do formulario correspondente, nun prazo que remata o 30 de xaneiro.

    Calendario de obradoiros de Design Thinking InnovatechFP 2025-2026 por centro e data

    Segunda fase

    Fase 2: equipos finalistas

    Avaliadas as propostas presentadas na primeira fase, publícase a listaxe de equipos seleccionados que continúan no programa. Estes equipos reciben formación adicional para afondar na súa solución e deberán presentar a proposta final a través do formulario habilitado para tal fin, nun prazo que remata o 22 de maio.

    Peche do programa

    Evento final e gañadores

    Os equipos finalistas deberán presentar a súa proposta final a través do formulario habilitado para tal fin, nun prazo que remata o 22 de maio. Tras o evento final, publicaranse aquí as solucións gañadoras de cada reto.

    Para calquera dúbida ou incidencia no desenvolvemento do teu reto, usa o formulario de contacto do centro.

    Histórico

    Edicións anteriores

    InnovatechFP edición 2025

    Ver edición →

    InnovatechFP edición 2024

    Ver edición →

    Calendario da convocatoria 2025-2026

    1. Do 7 ao 20 de novembro de 2025

      Presentación de solicitudes

      Inscrición dos equipos co texto da convocatoria e os anexos que se poden descargar nesta páxina.

    2. Ata o 30 de xaneiro de 2026

      Fase 1: Design Thinking e propostas

      Cada equipo participa nun obradoiro de Design Thinking no seu centro e rexistra a súa proposta de solución co formulario da fase 1.

    3. Tras a fase 1

      Equipos seleccionados

      Avalíanse as propostas e publícase a listaxe de equipos que continúan no programa.

    4. Ata o 22 de maio de 2026

      Fase 2: solucións finais

      Os equipos seleccionados reciben formación adicional e presentan a súa proposta final co formulario habilitado.