Presentación do Desafío CiberFP
O Desafío CiberFP é unha competición autonómica convocada pola Dirección Xeral de Formación Profesional e organizada polo Centro Galego da Innovación da Formación Profesional Eduardo Barreiros, dirixida ao alumnado dos centros públicos de FP de Galicia.
A iniciativa propón unha experiencia de aprendizaxe práctica e colaborativa na que equipos de estudantes deberán resolver retos de ciberseguridade inspirados en situacións profesionais reais. O seu obxectivo é fomentar o talento dixital, desenvolver competencias tecnolóxicas e achegar a Formación Profesional ás necesidades dos sectores produtivos.
O desafío enmárcase no Plan Innova FP Galicia 2026-2030 e está vinculado ao CiberLabFP, o laboratorio avanzado de ciberseguridade IT/OT do Centro Eduardo Barreiros.